| 欠資郵票 Postage Due Stamps |
| 最早發行是在 1923 年，更改顏色或面額都保留兩邊不對稱的天秤為圖案。 欠資郵票的意思是某人寄信時沒有貼上郵票或郵費不足以投寄這封信時，郵差會向收信人收取郵資的差額然後以等值的欠資郵票貼上，表示該信已繳足全費。70年代後的做法是欠小小的都照寄可也，可能叫郵差收錢的行政費用還高過所欠的郵費。至於欠很多又如何呢 ? 如果有回郵地址的話，所屬的郵局 (如空郵則是國際郵件中心 IMC) 會向寄信人寄上一咭紙，說明寄信人寄去某某地方的信尚欠若干郵費，所欠郵費可購同等值的郵票貼上該回郵咭然後自行劃花作註銷寄回後該信便會如期寄出，對該信的延誤減至最低，郵局這靈活變通辦法值得一讚。 美國的做法則毫無人情味，不足郵費一律打回頭，貼足郵票再寄過。如趕時間的話則貴客自理矣，美國人的做法絕對是用者自付。 |
 |
| 天秤左邊的信較右邊的重，表示郵資尚欠小許。 |
 |
| 1985年8月19日由新加坡寄來香港尚欠郵費，左上角有欠資 $2.40 印章。 |
 |
| 1971年4月13日由杜拜寄來香港尚欠郵費，右下角有欠資 $1.30 圓印章。 |
 |
| 美國的做法則毫無人情味，不足郵費一律打回頭，貼足郵票再寄過。 原件貼上二十五仙是美國本地平郵，空郵則四十五仙，該信退回原處加廿五仙再寄出，所以有兩個郵戳日期，分別是1988年10月7日和1988年10月12日。 |
 |
| 1968年12月20日由菲律賓寄到香港的空郵件尚欠郵費港幣四毫，但今次並不用欠資郵票而用欠資郵戳，並不常見。 |
 |
| 欠資郵戳放大，隱約看到 Postage Due 字樣。 |
 |
| 欠資標籤 發行日期：一九八七年三月二十五日 |
 |
| 欠資標籤 發行日期：二ＯＯ四年九月二十三日 |
 |
| 欠資標籤 二Ｏ一四年十二月十六日 |
| 有間鋁窗維修公司寄咗叠驗窗宣傳郵件去某間大廈法團，入落一大型牛皮信封但求其整個「個七」上去，又超重又超尺寸，郵局話欠資，擺低張咭係管理處要收信人帶兩蚊去贖返封信，主席去咗兩個鐘頭來回，使咗兩蚊同兩個鐘頭時間攞叠唔等使嘅宣傳刊物返嚟，真係俾佢吹到啤一聲，呢間公司咁甩轆，搵阿茂幫趁。 |
 |
| 欠資郵票 二Ｏ一五年十二月十九日 |
| 超重43克，欠資兩蚊。 |
 |
| 欠資標籤 二Ｏ一六年八月二十三日 |
| 食得飽過頭，專登測試郵局對唔夠郵費點攪，八月十六日投寄一封不足郵費的信件，等咗成個禮拜先收到張領郵件的咭紙，欠三毫郵費罰多三毫，盛惠六毫， 罰收信人似乎有欠公允，如果退回給投寄人會否好些？ |
 |
| 放入郵筒是八月十六日，搞到八月二十四日去咗總局再返西營盤，似乎有心將不足郵費的信件遊下埠先。 |
 |
| 八月二十六日才放通知咭落信箱，九月六日先至得閒去郵局攞返封信，兩日可以派遞嘅信件攪咗兩個禮拜，問你重敢唔敢黏唔夠郵費。 |
 |
| $3 郵費貼個 $2 郵票落去，欠一蚊罰一蚊，要攞兩蚊去贖身，今次你精我都精，唔去攞，由得佢打回頭，寄信者自己俾兩蚊攞返封信再補一蚊郵票再寄到收信者手上。第一個郵戳是2018.02.07，最尾個郵戳是 2018.03.12，前後用咗超過一個月才完成派遞。 |
 |
 |
 |
 |
| 2020.02.03 收到信件日期是2020.01.23 郵政局寄來信件，表示有一封信唔夠郵費，如果想要封信，去任何郵局交四蚊，封信就會派俾你，如果2020.02.12 仲唔交錢，封信就會銷毀，因為封信嘅回郵地址係唔存在嘅，仲附有封信嘅掃瞄，收信人睇過樣版先決定值唔值得去攞封信，好過俾咗錢收叠廣告宣傳就啤一聲。 | |
 |
 |
| 2020.02.04 去郵局俾咗四蚊 | 2020.02.07 郵差就派咗信嚟，估唔到回歸了23年，仲有人用女皇頭郵票寄信，真匪夷所思，會唔會有朝一日收到維多利亞女王郵票寄來的信件？ |
| 第一個郵戳日期 2020.01.21 |
| 通知信日期 2020.01.23 |
| 收通知信日期 2020.02.03 |
| 真正收到信日期 2020.02.07 |
| 寄一封唔夠郵資的信要18日，你仲敢貼唔夠郵票或者求其整個英女王上去？ |